Өмнөд Солонгосын 6 нэр хүндтэй их сургууль, тэр дундаа дэлхийн алдарт “Seoul National University” сургуулийн дээрэлхэлт, хүчирхийллийн түүхтэй нийт 45 элсэгчээс татгалзсан нь олны анхаарлыг татаж байна.
2026 оноос Өмнөд Солонгосын бүх их сургуулийн элсэлтийн шалгаруулалтад сургуулийн үеийн дээрэлхэлт, хүчирхийллийн түүхийг харгалзан үзэх бодлого хэрэгжиж эхэлжээ.
Кёнбүгийн Үндэсний Их Сургууль 22 хүн, Пусаны Үндэсний Их Сургууль 8 хүн, бусад гурван их сургууль 13 онц сурлагатныг элсүүлэхээс татгалзсан байна.
Энэхүү дүрэм нь зүгээр нэг элсэлтийн журам биш. Энэ бол нийгэмд өгч буй хүчтэй сануулга боллоо.
Чи хэчнээн ухаантай, авьяастай, өндөр оноотой байлаа ч бусдын сэтгэлийг шархлуулсан үйлдэл чинь ор мөргүй алга болохгүй.
Сайн боловсрол гэдэг зөвхөн сайн мэргэжилтэн бэлтгэх биш, сайн хүн төлөвшүүлэх явдал гэдгийг Өмнөд Солонгосын их сургуулиудын жишээ харууллаа.
